ادب و ثقافه

قصيدة ذكري طويله من سنين للشاعر محمد الزغبي

كلمات : الشاعر محمد الزغبي

ف ذكرى طويلة من سنين
عايشة فيا والقلب حزين
بحاول اشيلها والايام تسيبها

كتير قهرت ف العين اظهرت
اني ضعيف جوايا لكن خرجت
والدمعة سِنة سِنة بان تسريبها

صدقوني انا مش ضعيف
بس بحاول افهم ايه حصلي
قولولي خليك ضيف خفيف
وده اخر رد للاسف وصلي

معلش عادي حصل خير
شوية واسيبكم اروح اصلي

وهمشي هحاول انام
يمكن اقدر انسى الايام
تفتكروا كلامي قدام

ولو مُت وانا نايم
معلش الحزن كان عايم
مش مهم باقي الكلام

انا بجد هاكون سعيد ….

واللي هينصب ليا العزا
ارجوك خليه ف الهوا
انا شايف قلوب بالمقلوب

مش بيقولوا الميت بيشوف
انا شايفكم الزعلان والمكسوف
مكشوف كلامكم والمطلوب

بعد الميتم والشيخ والصوان
محديش يفكرلي غير الخير
قولوا مهما حصل كان انسان
ومات خلاص وخلص التقدير

يمكن حد يفتكركم بعد يومكم ويشكركم

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *