الفن

حوار ساخن مع أمير الاغنية الشعبيه الشاعر الغنائي الكبير صلاح مندي

بقلم : محمد عبد الرحمن
.
هو شاعر كبير استاذ في الاغنية الشعبية
شخصية محبوبة مابين المطربين والملحنين
تغنى من كلماته كبار النجوم
الشاعر الكبير / صلاح مندي
.
عرف الناس بحضرتك
.
صلاح مندي بسيوني عوض
الشهره صلاح مندي
شاعر غنائي
.
متى بدأت الكتابة مع صلاح مندي؟
.
الكتابه بدأت معايا في اولي جامعه بالصدفه البحته كنت قصدت واحد شاعر صاحبي يعملي قصيده لحد بحبه ابعتهاله غاب عليا جدا فقررت اكتب انا قولت يعني هو بيعمل ايه كتبت وبعتها لقيت استحسان جدا ابديت اكتب كتير واسمع اصدقائي فلقيت قبول ثم اتعرفت علي مطرب وملحن صديق من بلدي.. ديرب نجم شرقيه… اسمه محمود عبدالله وبدأت اشتغل واجهز الحان ومن هنا بدأ المشوار
.
ما هي الاغنية التي تسببت في شهرتك؟
.
الاغنيه اللي كانت سبب شهرتي وحققت نجاح كبير جدا
دقيقه حداد لطارق الشيخ انتاج شركة الاصدقاء
.
نبذة عن اهم اعمالك؟
من أعمالي
حكيم عملت معاه احضرَنا ياعالم ومن صغري واللي ربا وانا عايز من ده
جواهر خمسه وخميسه
ليلي غفران شكرا ياجرح
المطرب البحريني ابراهيم الناجم اغنية انا بحريني
المطرب السعودي محمد ال سعود. اغنية ابيض واسود
طارق الشيخ. دقيقه حداد
سمسم شهاب سنه اولي جرح
واسماعيل الليثي. سألت كل المجروحين في مسلسل ابن حلال للنجم محمد رمضان
وبعض المطربين الشباب
فوزي عبده واحمد عامر وياسر نجم واخرين
.
ما رائ حضرتك في الاغنية العربية ومكان الاغنية المصرية الان؟
الاغنية العربيه وخاصه الخليجيه تفوقت الان علي الاغنيه المصريه في افكار موضوعاتها وتناولها للافكار
والاغنيه المصريه لازلت علي القمه بنجومها فقط مثل عمرو دياب وليس بموضوعاتها ولا افكارها
.
ما رائ حضرتك في عودة نجوم التسعينات للغناء وهل قدموا جديد؟
ياريت نجوم التسعينات يرجعوا للساحه لانهم جيل متميز جدا في كل شئ ومنهم نجوم يتصدروا الساحه حاليا وفيهم اصوات رائعه زي علاء عبد الخالق.. حلمي عبد الباقي.. علاء سلام. وغيرهم كتير
بس عايزين يركزوا في عودتهم لانهم لازالوا يعيشون علي ماضيهم نتمني يقدموا جديد وينافسوا بيه الهبوط الفني اللي احنا فيه
.
ما رائيك حضرتك فيما يسمى بفن المهرجان مابين مؤيد ومعارض؟
.
المهرجانات موضوع يطول شرحه ملخصه مزيكا رائعه قريبه جدا من الشباب لاغبار عليها… عليها كلام مسف وقذر وجنسي لو تم تناول مواضيع محترمه بكلام هادف هتبقي نقله في الفن المصري ورأي الشخصي المؤيد بيؤيد عند في المعارضين والمعارضين بيعارضوا نفسنه وحقد علي الولاد بتوع المهرجانات علشان عملوا اللي هما ماعملهوش واقصد الفنانين طبعا
.
ما رائ حضرتك في شعراء الاغنية وهل هناك مواهب فعلاً؟
.
مصر ولاده دايما وانا هتكلم علي المجال الشعبي ماشاء الله كل يوم عندنا شعراء جدد مهمين جدا. أمثال… شفيق كارم.. محمد النجار…محمدعنتر عمروقضب.. مصطفي شاكر.. عصام حجاج… وطبعا الجيل القديم
وفي الاغنيه الاستايل او الغير شعبي.. ناصر الجيل.. مصطفي صابر.. مصطفي حسن… وكل يوم فيه ناس كويسه جدا بتظهر مع الشعراء المهمين زي عماد عبيد..ملاك عادل صلاح عطيه.. ايمن الطويل.. رضا المصري.. محمود هلال..
احمد غريب. وغيرهم كتير واسف لو نسيت حد
.
نصيحة لكل المواهب الشابة
.
نصيحتي للمواهب الشابه
الثقافه ثم الثقافه ثم الثقافه لازم تبقي شاعر مثقف قارئ ومتابع والتطور في الالفاظ والتناول ويبقي ليك بصمه خاصه
واشكر حضرتك استاذ محمد وأشكر الاستاذ محمد المازني رئيس مجلس الادارة علي الاستضافه الجميله

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *